اكلة خفيفة و سريعة

من طرف **سمية** الجمعة ديسمبر 09, 2011 12:00 pm

السلام عليكم ورحمة الله وبركاته

اممم اليوم بحط لكم اكله خفييييييييييييييييييييييييييفه جدا وسهله وسريعه وتنفع للريوق ..ولعشا خفيف

او مقبلات للعشا ... وللفطور اكثر...خاصه اذا مالك نفس تسوين شي

والمقادير والطريقة مافي اسهل منها

...المقادير...

رقائق السبرنغ رول

جبن كرافت ..او اي جبن تحبونه وطبعا مافي احلى من الكرافت

وهاي صورة الرقائق للي مايعرفها

...الطريقة...

تاخذين العجينة وتدهنينها بالجبن وابتعدي عن الاطراف.. مثل الصورة

اطوي الطرف الاول مثل الصورة

والطرف الثاني بعد وبتظهرلج بهالطريقة الاسطوانيه او مستطيلة واضغطي على الاطراف

عشان الجبن مايسيح

واتحطينها عالتاوه ... بدون زيت او اي شي ثاني... وبسرعه بتتحمر

يعني انتي سوي عالاقل 6 حبات وعقب شغلي النار ... عشان بسرعه تخلصين وكملي الباقين

وانتي تدهنين شوفي النار وماياخذ وياج وقت

اول وحده جلبتها واتحمرت خلاص والاثنين الباقيات توني كنت حاطتنهم

وهاي شكلهم بعد ماتحمروا ..وحاسبي عن يحترق مثل اخر وحده

وعقب صففيهم في صحن وصبي عليهم عسل مثل الصورة

والحلو فيه انه خفيف ولذيذ وسريع..

ومجموعه بالدجاج... والخلطة تاليف في لحظتها

والخلطة عبارة عن كاتشب ودقوس وشويى خردل ودجاج مفتت وفلفل بارد

خلطت الكاتشب والدقوس والخردل ويا بعض وكنت ادهن الرقيقه او العجينة واحط دجاج مع فلفل البارد

وبنفس الطريقه سويت ... وقصيت اللي بالدجاج من النص ..وحبوها بعد ..

وها شكلها في صحن التقديم

اتمنى تعيبكم اكلتي الخفيفه السريعه السهله اللذيذه .. واتمنى اتجربونها ...